الشكل الأمثل للعلاقة بين الراجل والست نشر في موقع شغبطة

شكل العلاقة بين الراجل والست في الزواج بيحددها مشاعر كل واحد فيهم ناحية التاني

يعني لما راجل يبقى مش مدي أمان للست طول الوقت من غير مجهود من طرفه يوازي مجهود الست، حتلعب الزوجة دور الأم على الدوام، وكذلك لما يشيل عنها طول الوقت برضه ميزعلش إنها مش عارفة تلعب غير دور الابنة🤷‍♀️

وكذلك الراجل لما بيحس بأمان وعدم الحاجة إلى بذل مجهود طول الوقت طول الوقت، حيلعب دور الابن على الدوام، أو لو محسش بأمان خالص من غير مقابل أو مجهود من الست حيلعب دور الأب، وأما لو الاتنين في حالة حب حيلعبوا دور الحبيب والحبيبة دون التزمات بقيود الزواج!

أنجح العلاقات هي اللي بيتبادل فيها الست والراجل الأدوار المختلفة، ولو فيه دور طول كتير اعرف إن العلاقة دي يا إما حيبقى مسيرها الفشل، يا إما حتتحول إلى علاقة تقليدية باردة!

#طيب هو الموضوع بيبقى بالمنطق والورقة والقلم يعني؟

لا، هو الراجل الصح حيعرف يلعب الأدوار دي بالفطرة، والست كذلك