عن فيلم (Aquaman ) نشر في صفحة شغبطة- بقلم د. هبة اللكاوي

من ايام دخلت فيلم Aqaman ، الفيلم من الوهلة الاولى قد تبدو قصته عادية...او اسطورية بعض الشيئ

بيحكي عن ابن بيتولد من اب من الأرض وام من غالم البحار ، عشان يوحد عالمين الأرض والبحر و في اثناء رحلته بينشأ خط رومانسي بينه وبين واحدة تنمي الى عالم البحار وحرب طويلة كلها عشان يسيطر ويحقق حلم التوحيد

يمكن القصة خيالية ، لكن بتتفاجأ بالتصوير..اللي كان كله تحت الميا ، وهو 3D ... وكأنك جوة الفيلم

بتتفاجأ بالحوار..والجمل اللي اتقالت فيه.....وكان من اهمها جملة بتقول :

" قد تفعل امرا صحيحا في الوقت الذي ينتفض قلبك ضده"

الجملة اتقالت من هنا...وانا قلبي اتنفض فعلا لاننا ساعات كتير بنرضي قلوبنا على حساب ضمايرنا...

ساعات كتير بنمشي ورا احلام ممكن تبقي مش من حقنا...لمجرد اننا عاوزينها او قلبنا عاوزها...

او نراضي القريبين مننا على حساب ناس تانية ملهاش ذنب...

زي ما بنشوف جمال رحمة الله...واللي هيا موجودة في احساسينا الحلوة ، احيانا لازم نشوف العدالة...الضمير...الحق وهو بياخد مجراه حتى لو احنا مش عاوزين !!