عن فيلم (Ratatouille) نشر في صفحة شغبطة - بقلم د.هبة اللكاوي

فيلم الفار الطباخ ، من اعظم افلام الكارتون اللي شفتها في حياتي

يتحكي لولادكم واحفادكم..وحيغير حاجات كتير جواكم حتى وانتو كبار ، بيتكلم عن فار حلمه انه يبقي طباخ في اكبر المطاعم ، وكان ادامه عوائق كتير اهمها انه مش انسان...وان اهله شايفين انه مجنون لانه بيحلم...لانه الفيران بيعيشوا دايما جوة الجحور.. الحقيقة انه الفيلم مليان تفاصيل ومشاعر كتيرة جدا

بس كان اهم اللي طلعت بيه من الفيلم :

• انه انت الوحيد اللي عارف اهمية حلمك...فمنتظرش دعم في الاول..

• حتى لو حلمك مستحيل...ممكن ربنا يخلقلك حاجات تساعدك في الطريق بس عشان نيتك في السعي

• بعد فترة من السعي والاجتهاد وحصد النتائج..حتلاقي ناس كتير امنت بيك وبفكرتك..

• مش دايما لازم تبقي زي الناس...لما ممكن كل الناس تبقي زيك...فاوعي تقلل من فكرة خطرت جوة دماغك

• لو لقيت نفسك في مهنة مش حتزود من شغفك وابداعك..تبقي مش طريقك في الحياة...فتكر جملة ...Your only limit is your soul